Kampoh Emkap Sada Bagian Mehaga Bas Kalak Karo
KAMPOH bagian kecil dalam sikap berkesopanan dalam adat nggeluh KALAK KARO. Terlepas itu mahal atau tidaknya tapi itulah intinya MEHAGA
Kampoh e me salah sada uis si cukup melekat i bas kalak Karo, subuk man dilaki bagepe man diberu. Pemakenna hampir i bas kerina pengkebet / aktifitas nggeluh. Banci bulangken, sampanken , abitken, bentingken, cabinken, ingan tertande, nimpus, ngayun anak gara-gara. Banci ka pe i rakitken i bas tambak (punjut sembelah ujungna, jege bencahi, jenari iampong angin, mis punjut ujungna si sada nari e .. enggo bagi balon, sienda jadi ayam-ayam mainen danak-danak megati nipakeken, hehehe).
Ngidah kegunanna sicukup melala ras praktis maka kampoh enggo jadi sada simbol "Siap Bekerja" i bas kalak Karo, hampir-hampir lanai lit alasenta ngataken "lang". Alu bage maka kampoh pe banci ncidahken "Kepedulian ras Ate Keleng" janah arah si e pe banci iangkaten "Teologia Kampoh".
Disamping kegunanna sicukup luas ras ragam, kampoh merupaken paken kehamaten man kalak si enggo dewasa. Ndube i Tanah Karo, sejak si dilaki enggo erlajar anak perana entah si diberu erlajar mejile maka kampuh enggo jadi kebutuhen utama. La metunggung si erturang pulung kundul i rumah adi la ngabitken entah nampanken kampuh. Bage pe la mehamat adi landek la erkampuh. I bas lako-lakon i ja pulung ras sangkep nggeluh, terutama i lebe-lebe kalimbubu, la mehamat la erkampuh. Bagi si ncidahken aurat. Lit pe nai i persingeti kalak adi reh ku lako-lakon la erkampuh, piah terbelas me nikuangken man si reh la erkampuh e "Engkai maka kam reh telanjang, la eruis, la kal tehko mehangke, la kal engko eradat ..!!!", ningen me kempak ia nuriangi kata lah maka meteh mehangke guna kinihagan nggeluh radat ibas kegeluhenta kalak karo.
Erpalasken si e ras sidebanna maka kampuh i bas kalak Karo merupaken sada atribut si encidahken maka ia kalak Karo si berbudaya "mediate, mere, meteruk ukur dingen mehamat". Jenari pe Kampuh banci jadi simbol "ATE KELENG / KASIH".
Sayang melala kal kalak Karo terutama i perkotaan lanai peduli man budayanta. Tapi la nutup kemungkinen sienda krina adalah pengaruh budaya sireh i darat nari simbabai kita lanai meteh kuga ulina kerna aturen simehuli dingen mehamat nandangi kinigeluhenta kalak karo. Sienda krina buen siidah arah matanta natap, labo perban kemmer akapna, tapi umumna enggo mela-mela. Mela-melana e pada dasarna merupaken gambaren meganjang ukur.
Budaya KARO sendiri la nutup kemungkinen nandangi perkembangen budayanta sesuai ras pola pikirta nggeluh, tapi setidakna sijagalah kelestarin budayanta bahwa sie krina lit guna tujun simehuli guna kinigeluhenta RADAT NGGELUH.
Sienda krina la jadi tugas sekalak jelma saja ntah pe, tapi krina kita harus muat bagin, kritik ras saran simehuli, diskusi-diskusi sierguna man budaya kinigeluhen simehuli perlu lalap sitingkatken, maka jadi sienda krina kita tetap idah mehaga kap ras mehamat kap, eme KALAK KARO.
MBERA LIT KESADAREN RAS PERUBAHEN.
SELAMAT MELESTARIKEN BUDAYA KARO ..!!!
Tulisen : Setia Dharma Purba
